نوشہرہ:اضاخیل میں اسکول کی عمارت دھماکے سے تباہ

جنگ نیوز -
نوشہرہ …نوشہرہ کے علاقے اضاخیل میں نامعلوم شدت پسندوں نے ایک ہائی سکول کی عمارت کو بم دھماکے سے ا ڑا دیا۔دھماکے سے سکول کی پوری عمارت کو شدید نقصان پہنچا ۔ذرائع کے مطابق گورنمنٹ ہائی سکول فار بوائز اضاخیل پایان کی عمارت میں نامعلوم شدت پسندوں نے بم نصب کررکھا تھا۔ رات کے ڈھائی بجے ایک زوردار دھماکا ہوا اور سکول کے دو کمرے زمین بوس ہوئے اور پوری عمارت کو شدید نقصان پہنچا۔اس ہائی سکول میں چارسو طلبا زیر تعلیم ہیں اور دھماکے کی وجہ سے تمام طالب علموں کو چھٹی دے دی گئی ہے۔ پولیس نے واقعے کے بعد علاقے میں سرچ اپریشن کرکے چوکیدار سمیت چھتیس مشتبہ افرا د کو حراست میں لے لیا ہے اور ان سے تفتیش جاری ہے۔اسکول کی چوکیدار کے مطابق وہ اسکول کے برآمدے میں بیٹھا ہوا تھا کہ دھماکا ہوا لیکن اندھیرے کی وجہ سے اس نے کچھ بھی نہیں دیکھ سکا۔