ملتان:شارٹ سرکٹ کے باعث،4دکانیں جل کر خاکستر

جنگ نیوز -
ملتان…ملتان میں شارٹ سرکٹ کے باعث 4 دکانوں میں اچانک آگ بھڑک اٹھی جس کے نتیجہ میں دکانوں میں موجود سامان جل کر راکھ ہو گیا تاہم کوئی جانی نقصان نہیں ہوا۔ملتان چلڈرن کمپلیکس چوک پر موجود بے ہنگم تاروں میں اچانک آگ کے شعلے بلند ہوئے جس نے دیکھتے ہی دیکھتے فوم کی دکان کو اپنی لپیٹ میں لے ۔ آگ بڑھتے بڑھتے ایک میڈیکل اسٹور، موبائل شاپ اور درزی کی دکان کو بھی لگ گئی جس سے ان دکانوں میں موجود قیمتی سامان جل گیا ۔ ریسکیو1122 اور میونسپل کارپوریشن کی فائر بریگیڈ نے موقع پر پہنچ کر آگ پر قابو پا لیا ۔