ٹوائی لائٹ فیم پیٹن سن کی نئی فلم واٹرفار ایلی فنٹس کا لندن میں پریمئر

جنگ نیوز -
لندن …ٹوائی لائٹ اسٹار رابرٹ پیٹن سن اور آسکر ایوارڈ یافتہ کرسٹوف والٹز کی فلم واٹر فار ایلی فنٹس کا لندن میں پریمئر ہوا۔فلم واٹر فار ایلی فنٹس میں رابرٹ پیٹن سن یونیورسٹی کے طالب علم جیکب کے روپ میں نظر آئیں گے جس کے والدین کے اچانک انتقال کے بعدرابرٹ پڑھائی چھوڑ کر سرکس میں ٹرینر کے طور پر ملازم ہوجاتا ہے۔اس سرکس میں اسے ایک ضدی ہاتھی سے دلی لگاؤ بھی ہو جاتا ہے ۔ اس کے ساتھ ہی سرکس کے مالک کی بیوی ریز ویدر اسپون سے اُسے محبت ہوجاتی ہے اور یوں جیکب کی زندگی میں خطرات جنم لیتے ہیں ۔