کراچی میں فائرنگ سے تین افراد ہلاک،دو زخمی

جنگ نیوز -
کراچی…کراچی کے مختلف علاقوں میں فائرنگ سے 3 افراد جاں بحق اور زخمی ہو گئے ۔پولیس کے مطابق گلستان جوہر بلاک 7 میں نامعلوم افراد کی فائرنگ سے 19 سالہ نوجوان ہلاک اور ایک شخص زخمی ہوا، پاک کالونی سے نوجوان کی بوری بند لاش برآمدہوئی جسے گولی مار کر قتل کیاگیا تھا،لاش کوشناخت کے لئے عباسی اسپتال منتقل کیا گیا ،سرجانی ٹاون سیکٹر 5 ڈی میں ہوٹل پر بیٹھے نوجوان پر مسلح ملزمان نے فائرنگ کر دی جس کے نتیجے میں سیاسی جماعت سے وابستہ 25 سالہ شخص عارف موقع پر ہی ہلاک ہو گیا ،شیر شاہ میں پنکھا ہوٹل کے قریب فائرنگ سے دو افراد زخمی ہو ئے ،جنہیں فوری طور پر طبی امداد کے لئے عباسی اسپتال منتقل کیا گیا،اسپتال ذرائع کے مطابق زخمیوں کی حالت تشویشناک ہے۔