پاک ویسٹ انڈیزسیریز کا آخری ایک روزہ میچ کل گیانا میں ہو گا

جنگ نیوز -
گیانا…پاکستان اور ویسٹ انڈیز کے درمیان آخری ایک روزہ میچ کل گیانا میں کھیلا جائے گا،پانچ میچز کی سیریز میں پاکستان نے پہلے ہی تین ایک کی فیصلہ کن برتری حاصل کر لی ہے۔پاکستان نے ویسٹ انڈیز کو ابتدائی تین ایک روزہ میچز میں شکست دے کر سیریز تو اپنے نام کر لی تاہم چوتھے ایک روزہ میچ میں میزبان ٹیم بارش کے باعث ڈک ورتھ لوئیس میتھڈ پر ایک رن سے فتحیاب ہوئی تھی ۔ گیانا کی وکٹ کے بارے میں کہا جارہا ہے کہ یہاں لو باؤنس ہوگا اس لئے امکان ہے کہ دونوں ٹیمیں اس میچ میں اپنے اسپن اٹیک پر انحصار کریں گی۔