پاکستان ویسٹ انڈیز کیخلاف آخری ون ڈے آج گیانا میں کھیلا جائیگا

جنگ نیوز -
گیانا…پاکستان اور ویسٹ انڈیز کے درمیان سیریز کا پانچواں اور آخری ون ڈے آج گیانا میں کھیلا جائیگا۔ سیریز میں قومی ٹیم کو تین ایک کی فیصلہ کن برتری حاصل ہے۔پانچ میچز کی سیریز کا آخری میچ پرویڈنس اسٹیڈیم گیانا میں کھیلا جارہا ہے۔ قومی کرکٹ ٹیم ویسٹ انڈیز کو ابتدائی تین ایک روزہ میچز میں شکست دیکر سیریز تو اپنے نام کرچکی ہے،لیکن بارش سے متاثرہ چوتھا میچ میزبان ٹیم ڈک ورتھ لوئس میتھڈ پر جیتنے میں کامیاب رہی تھی۔ کپتان شاہد آفریدی کا کہنا ہے کہ بارش کی وجہ سے کلین سوئپ کا خواب پورا نہ ہوسکا ، مگر وہ آخر ی میچ جیتنے کی پوری کوشش کریں گے ۔