اندرون ملک سے کوئٹہ آنے والی ٹرینوں کی آمد میں تاخیر

جنگ نیوز -
اندرون ملک سے کوئٹہ آنے والی ٹرینوں کی آمد میں تاخیر

کوئٹہ …اندرون ملک سے کوئٹہ آنے والی ٹرینوں کی آمد میں تاخیر کا سلسلہ جوں کاتوں برقرار ہے اور آج بھی کوئٹہ آنے والی تینوں ٹرینیں کئی کئی گھنٹے تاخیر کا شکار ہیں۔ریلوے ذرائع کے مطابق کراچی سے کوئٹہ آنے والی بولان میل ساڑے سات گھنٹے کی تاخیر سے ساڑے نوبجے اور راولپنڈی سے کوئٹہ آنے والی جعفرایکسپریس دس گھنٹے تاخیر سے کوئٹہ پہنچی۔تاہم پشاور سے کوئٹہ آنے والی کوئٹہ ایکسپریس کی تیرہ گھنٹے تاخیر سے رات چار بجے تک آمد متوقع ہے تاہم اس میں مزید بھی تاخیر ہوسکی ہے۔مسافر ٹرینوں کی آمد میں تاخیر کی وجہ سے مسافروں کو مشکلات کا سامنا کرنا پڑرہا ہے ۔