بھکر ،اسنوکر کلب پر فائرنگ،ہلاکتوں کی تعداد5ہو گئی

جنگ نیوز -


بھکر…بھکر کے علاقے دریا خان میں اسنوکر کلب پر فائرنگ کے نتیجے میں زخمی ہونے والے 8 میں سے 2 افراد دم توڑ گئے ۔واقعے میں جاں بحق ہونے والوں کی تعداد 5 ہوگئی۔ گزشتہ رات دریاخان کے مین بازار میں واقع اسنوکر کلب پر نامعلوم موٹرسائیکل سواراس وقت اندھا دھند فائرنگ کر کے فرار ہوگئے جب وہاں لوگوں کا ہجوم تھا۔فائرنگ سے تین افراد موقع پر جاں بحق اور 8 افراد زخمی ہوگئے۔ زخمیوں کو تحصیل ہیڈکوارٹر اسپتال منتقل کیا گیا ،جہاں ڈاکٹر اور پیرامیڈیکل عملے کی عدم موجودگی پر مشتعل افراد نے ہنگامہ آرائی کی اور اسپتال میں توڑ پھوڑ بھی کی،،بعدازاں پولیس اور ریسکیو اہلکاروں نے زخمیوں کو ڈسٹرکٹ ہیڈکوارٹر اسپتال منتقل کیا جبکہ ایک زخمی نشتر اسپتال ملتان منتقل کیا گیا۔ اسپتال ذرائع کے مطابق ملتان اور بکھر میں دو مزید زخمی دم توڑ گئے جس کے بعد واقعے میں جاں بحق ہونے والوں کی تعداد 5 ہوگئی۔۔6 زخمی تا حال ڈی ایچ کیو اسپتال میں زیر علاج ہیں واقعے کا مقدمہ اب تک درج نہ ہوسکا ہے۔