کراچی:شاہ فیصل کالونی میں رینجرز کی کارروائی ، ٹارگٹ کلر گرفتار

جنگ نیوز -


کراچی…افضل ندیم ڈوگر… کراچی کے علاقے شاہ فیصل کالونی میں ایک کارروائی کے دوران پاکستان رینجرز نے ٹارگٹ کلنگ کی وارداتوں میں ملوث ایک ملزم کو گرفتار کرلیا ہے۔ پاکستان رینجرز کے ذرائع کے مطابق ملزم ثناء اللہ عرف چریا کا تعلق ایک سیاسی جماعت سے ہے۔ ملزم شاہ فیصل کالونی اور ملیر میں دہشت گردی کی مختلف وارداتوں میں ملوث رہا ہے اسے کچھ عرصہ قبل قتل سمیت سنگین جرائم کے الزام میں گرفتار کیا گیا تھا۔ اور متعدد مقدمات میں ضمانت پر رہا ہوگیا تھا۔ رینجرز کے ایف ایس ونگ نے ملزم ثناء اللہ عرف چریا کو ایک کارروائی کے دوران گذشتہ رات گرفتار کرلیا۔ ذرائع کے مطابق ملزم نے رہائی کے بعد بھی حال ہی میں متعدد افراد کو قتل کرنے سمیت سنگین جرائم میں ملوث ہونے کا مبینہ انکشاف کیا ہے۔ ملزم ثناء اللہ کا تعلق ایک سیاسی جماعت سے ظاہر کیا گیا ہے تاہم اسے ان جرائم کے تحت میڈیا یا عدالت کے سامنے پیش نہیں کیا جارہا ہے۔