”باڈی گارڈ“ میں کردار اصلی زندگی کی عکاسی کرتا ہے، کرینہ کپور

جنگ نیوز -


ممبئی …جنگ نیوز… کرینہ کپور نے کہا ہے کہ فلم باڈی گارڈ میں ان کا کردار اصلی زندگی کی عکاسی کرتا ہے۔ ممبئی میں میڈیا سے گفتگوکرتے ہوئے بالی ووڈ اداکارہ نے کہا کہ فلم باڈی گارڈ میں سلمان خان کو مار دھاڑ کرتے ہوئے دکھایا گیا ہے جبکہ ان کا کردار بھرپور رومینٹک ہیروئن کا ہے۔ انہوں نے مزید کہا کہ مذکورہ فلم میں ان کا کردار اصلی زندگی کی عکاسی کرتا ہے۔ واضح رہے کہ سلمان خان کے ساتھ دو ناکام فلمیں دینے والی کرینہ کپور کو اس فلم سے بہت امیدیں وابستہ ہیں۔ فلم 31 اگست کو عیدالفطر کے موقع پر بھارتی سینماؤں کی زینت بنے گی۔