سندھ کے بارش سے متاثرہ علاقوں میں پاک فوج کاآپریشن

جنگ نیوز -


کراچی…پاک فوج کا بارشوں اور سیلاب سے متاثرہ علاقوں میں ریسکیو آپریشن جاری ہے۔متاثرہ علاقوں میں مزید کشتیاں ،لائف جیکٹس اور دیگر سازوسامان پہنچادیاگیاہے۔آئی ایس پی آر کے مطابق بدین ،کھوسکی،ٹنڈو محمد خان،میر پور خاص،ڈگری اور جھڈو میں کشتیوں کے ذریعے 1450خاندانوں کو محفوظ مقامات پر منتقل کیاگیاہے۔ایک ہزار سے زائد خاندانوں کو بدین ،گولاڑچی،ٹنڈوباگو،کڈھن،میر پورخاص،روشن آباد اور جھڈو سے گاڑیوں کے ذریعے محفوظ مقامات پر پہنچایاگیاہے۔ آئی ایس پی آرکے مطابق متاثرہ اضلاع میں قائم آرمی میڈیکل کیمپوں مین 400خاندانوں کو علاج معالجے کی سہولتیں فراہم کی گئی ہیں۔سیلاب اور بارشوں سے متاثرہ علاقوں میں ریسکیو آپریشن کے لیے مزید کشتیاں،لائف جیکٹ اور دیگر سازوسامان پہنچادیا گیا ہے۔