ایف بی آر میں بڑے پیمانے پر افسران کے تبادلے و تقرریاں

جنگ نیوز -


اسلام آباد…ایف بی آر میں ان لینڈ ریونیو کے گریڈ 21 اور 20 کے 30 آفیسرز کے تبادلے کردئے گئے ہیں، ممبر ان لینڈ ریونیو خاور خورشیدبٹ کو لاہورجبکہ ایڈیشنل سیکرٹری ریونیو ڈویژن اسرار روٴف کو کراچی بھیج دیا گیا ہے ایف بی آر کے نوٹیفکیشن کے مطابق ممبر ان لینڈریونیو خاورخورشید بٹ کو ڈی جی ٹریننگ اینڈ ریسرچ لاہور مقرر کردیاگیا ہے، ان کی جگہ ڈی جی اٹیلی جنس شاہدحسین اسد کو ممبر ان لینڈ ریونیو مقررکیاگیاہے، ایڈیشنل سیکرٹری ریونیو ڈویژن اسرارروٴف کو ڈی جی خصوصی اقدامات کراچی مقررکیا گیا ہے، ایف بی آر میں مجموعی طور پر گریڈ 21 کے گیارہ آفیسرز کا اور گریڈ بیس کے19 آفیسرز کا تبادلہ کیا گیا ہے۔