امریکا میں نایاب زرد ہیرا28لاکھ ڈالر میں نیلام

جنگ نیوز -


کلیولینڈ…امریکی ریاست اوہائیو کے شہر کلیولینڈ میں ایف بی آئی کی تحویل میں موجود 43قیراط کا خالص و نایاب پیلا ہیرا آن لائن نیلامی کے ذریعے اٹھائیس لاکھ ڈالر میں نیلام کردیا گیا۔امریکی افواج کے تحت فروخت کے لیے پیش کیے گئے اس پیلے ہیرے کو امریکی FBIنے2006میں ایک ا سمگلرکو گرفتار کرتے ہوئے اپنے قبضے میں لے لیا تھا۔ بہترین انداز میں تراشے گئے اور دنیا کے چند بڑے پیلے ہیروں میں شامل Golden Eyeنامی ہیر ے کی نیلامی6ستمبر کوہوئی۔ نیلام کنندگان کی جانب سے اس ہیرے کی3سے 20ملین ڈالر میں فروخت ہوجانے کی اْمید ظاہر کی جارہی تھی تاہم گذشتہ دنوں ہونے والی نیلامی میں یہ ہیرا صرف28لاکھ یعنی 2.8ملین ڈالر تک ہی بولی حاصل کرسکا۔