قذافی ابھی تک لیبیا میں ہیں، موسیٰ ابراہیم

جنگ نیوز -
تیونس …جنگ نیوز… معمر قذافی ابھی تک لیبیا میں ہیں اور انکے جذبے بلند ہیں جبکہ ایک طاقتور فوج انکے ساتھ ہے۔ قذافی کے ترجمان موسیٰ ابراہیم نے رائٹر سے فون پر بات چیت کرتے ہوئے کہا کہ معزول صدر کی صحت بہت اچھی ہے اور انکے حوصلے بھی بلند ہیں اور یقیناً وہ لیبیا میں موجود ہیں۔ انہوں نے کہا کہ دنیا اندازہ کر سکتی ہے کہ ابھی جنگ کے خاتمے کا کوئی امکان نہیں ہم اب بھی مضبوط اور طاقتور ہیں اور ہماری افواج بھی مضبوط اعصاب کی مالک ہیں جبکہ لیبیا کا بہت بڑا رقبہ ہمارے زیر اثر ہے لیکن موسیٰ ابراہیم نے اپنی جائے مقام کے بارے میں کچھ بتانے سے گریز کیا۔