چینی شعبدہ باز کا1 منٹ میں6 کمالات دکھانے کا عالمی ریکارڈ

جنگ نیوز -


بیجنگ…این جی ٹی…لوگوں کی آنکھوں کو دھوکا دیتے ہوئے حیران کُن جادوئی کمالات دکھانا ہر کسی شعبدہ باز کے بس کی بات نہیں تاہم ایک چینی جادوگر نے تو ناصرف کئی جادوئی کرتب دکھاکر لوگوں کو دنگ کردیا بلکہ عالمی ریکارڈ بھی قائم کردیا۔چین کے شہر ہانگ کانگ سے تعلق رکھنے والاایک نوجوان پولیس افسرLee Hang Chai جادوئی کرتب دکھانے میں بے پناہ مہارت رکھتا ہے۔ حال ہی میںLeeنے نے بیجنگ میں ہونے والے گنیز ورلڈ ریکارڈ کے اسپیشل ایونٹ میں ایک منٹ میں 6جادوئی کمالات دکھا کر اپنا نام گنیز بک آف ورلڈ ریکارڈ میں درج کروالیا ہے۔اس ریکارڈ کے لیے Leeکو صرف ایک منٹ یعنی60سیکنڈوں میں مختلف جادوئی مظاہرے کرنے تھے جو ایک دوسرے سے یکسر مختلف ہوں اور اُس نے ان ہدایات کو مدِ نظر رکھتے ہوئے 6جادوئی کرتب دکھاتے ہوئے نیا عالمی ریکارڈ قائم کردیا۔