جناح انٹرنیشنل ائیرپورٹ کراچی سے ڈھائی کلو گرام ہیروئن برآمد

جنگ نیوز -
کراچی…پاکستان کسٹم نے ایک کارروائی میں کراچی کے جناح انٹرنیشنل ائیرپورٹ سیکڑوں روپے مالیت کی ڈھائی کلوگرام ہیروئن برآمد کرلی ہے۔پاکستان کسٹم کے ترجمان کے مطابق کراچی ائیرپورٹ پرایک لاوارث بیگ کی تلاشی لی گئی تو اس میں پلاسٹک میں پیک کی گئی اعلی معیار کی ہیروین برآمد ہوئی۔ اس بیگ پر ٹورنٹو سے آنے والی پرواز پی کے 782 کاٹیگ لگا تھا ، گزشتہ ہفتے بھی کسٹم نے کراچی ائیرپورٹ پر ایک لاوارث سوٹ کیس سے 16 کلو سے زائد ہیروین برآمد کی تھی، سوٹ کیس پرپی آئی اے کی مسقط سے آنے والی پرواز کا ٹیگ لگا تھا ، ترجمان نے اس امکان کا اظہار کیا کہ یہ منشیات ائیرلائن کے عملے کی مددسے کراچی میں پی آئی اے کی پروازوں میں رکھی گئی تھی لیکن بیرون ملک انہیں وصول نہیں کیا جاسکا جس کے بعد یہ کراچی واپس آگئی۔