موسم ڈینگی پر قابو میں مشکلات کا سبب ہے ، سیکریٹری صحت و زراعت

جنگ نیوز -


لاہور…سیکریٹری زراعت پنجاب کیپٹن ندیم عارف اور اسپیشل سیکرٹری صحت داوٴد محمد خان نے کہا ہے کہ موسم کی وجہ سے ڈینگی مچھر پر قابو پانے میں مشکلات کا سامنا ہے، لاہور میں میڈیا کو بریفنگ دیتے ہو ئے انہوں نے کہا کہ ڈینگی مچھر کی افزائش کیلئے یہ موسم سازگار ہے تاہم انتظامیہ ختم کرنے کی بھرپور کوشش کررہی ہے۔ انہوں نے کہا کہ ہم عوام میں یہ شعور بیدار کررہے ہیں کہ وہ گھر میں صفائی رکھیں کیونکہ ڈینگی کا صفایا اسی طریقے سے ممکن ہے۔ ان کا کہناتھاکہ ڈینگی مریضوں کے گھروں پر اسپرے کا ڈیٹا دستیاب نہ ہونے کی وجہ سے بھی مشکلات کاسامنا ہے