5 مارچ 2011
وقت اشاعت: 20:41
کک باکسنگ ٹیلنٹ مقابلوں کا اختتام
NoImage -
کراچی . . . شکیل یامین کانگا /اسٹاف رپورٹر. . . .کک باکسنگ ایسوسی ایشن آف پاکستان اور پاکستان مارشل آرٹس کنکشن فیڈریشن انٹرنیشنل کے زیر اہتمام ہونے والے کک باکسنگ کے فائنل مقابلے کامیابی کے ساتھ اختتام پزیر ہوگئے? بینظیر اسپورٹس کمپلکس کے پی ٹی کراچی میں ہونے والے فائنلز کے اختتام پرراجہ یاسر (بینٹم ویٹ)، گلاب شاہ (فیدر ویٹ)، رمیز (لائٹ ویٹ)، یاسر (ویلٹر ویٹ)،انعام الحق (مڈل ویٹ اور وقاص شاہ (سپر ویٹ) میں 2010کے کک باکسنگ چیمپئین ڈیکلئیر ہوگئے? انہوں نے فائنل میں اپنے مد مقابل تاج محمد، امبر، قاسم، اختر، صابر اور مصطفی کمال کو شکسٹ دی?فائنل تقریب کے مہمان خصوصی سندھ اسپورٹس بورڈ کے سیکریٹری شعیب احمد صدیقی نے جیتنے والے کھلاڑیوں کو چیمپئین بیلٹ ایوارڈ کی جبکہ رنر اپ کھلاڑیوں کو ٹرافیاں ایوارڈ کی گئیں? سیکریٹری سندھ اسپورٹس بورڈ نے اپنے خطاب میں کہا کہ عرصہ دراز کے بعد کک باکسنگ کا ایک اچھا ایونٹ یہاں کراچی میں آرگنائز ہوا ہے اور ایسے مقابلے مزید ہوتے رہے تو اس کھیل میں مزید نیا ٹیلنٹ ابھر کر سامنے آئے گا? انہوں نے چیمپئن شپ کو عمدہ انداز میں آرگنائزر کرنے پر راجہ غضنفر اورشہزاد احمد کو مبارکباد دی?
