آسکرایوارڈز کے انعقاد کی تاریخیں تبدیل کرنے پر غور

جنگ نیوز -
لاس اینجلس…سی ایم ڈی…آسکر ایوارڈز جو فلمی دنیا میں سب سے معتبر ایوارڈز مانے جاتے ہیں گزرتے سالوں کے ساتھ ساتھ غیر مقبول ہوتے جارہے ہیں۔ آسکر کی گِرتی ہوئی ساکھ کی بنیادی وجہ ہرسال ان ایوارڈز کی تقریب سے قبل دیگر کئی ایوارڈز کی تقریبات کی انعقاد کو مانا جارہا ہے جو کم و بیش انہیں اداکاروں ،ہدایتکاروں اوردوسرے شعبوں میں لوگوں کو نواز دیتے ہیں جو بعدِ ازاں آسکر کے حقدار ٹھہرائے جاتے ہیں۔اس گھمبیر ہوتی صورتحال پر قابو پانے کے لیے آسکر منتظمین ان ایوارڈز کو سال کے آغاز میں منعقد کرنے پر غور کررہے ہیں تاکہ دوسری ایوارڈ تقریبات پر سبقت حاصل کی جاسکے۔آسکر جو ہر سال ماہِ فروری کے آخر میں یا مارچ کے شروع میں منعقد کیے جاتے ہیں اب ممکنہ طور پر جنوری کے مہینے میں منعقد کرنے پر غور و خوض اور منصوبہ بندی کی جارہی ہے۔