ٹرینوں کی کوئٹہ میں آمد میں شدید تاخیر کا سلسلہ جاری

جنگ نیوز -
کراچی…ملک کے دیگرعلاقوں سے ٹرینوں کی کوئٹہ میں تاخیر سے آمد کا سلسلہ جاری ہے۔ کراچی سے کوئٹہ آنے والی بولان میل20گھنٹوں کی تاخیر سے کوئٹہ پہنچی۔ریلوے ذرائع کے مطابق کراچی سے کوئٹہ آنے والی بولان میل جسے گذشتہ روز دو بجے کوئٹہ پہنچنا تھا لیکن کراچی اور سکھر ڈویژن میں انجن فیل ہونے سے یہ ٹرین 20گھنٹوں کی تاخیر سے کوئٹہ پہنچی جس کی وجہ سے مسافروں کو شدید مشکلات کا سا منا کرنا پڑا۔ مسافروں کا کہنا تھا کہ ٹرین میں عام مسافروں کے ساتھ ساتھ مریض بھی سفر کرتے ہیں لیکن ٹرین بیس بیس گھنٹے لیٹ ہو تو مسافرون کا کیا حال ہوگا ۔بولان میل کی طرح فیصل آباد سے کوئٹہ آنے والی چلتن ایکسپریس بھی 19گھنٹوں کی تاخیر سے دوپہر بارہ بجے کوئٹہ پہنچے گی۔