جنوبی افریقا کی ویسٹ انڈیز کیخلاف تیسرے ٹیسٹ میں54رن کی برتری

جنگ نیوز -
سینٹ کٹس…بیٹسمینوں کی ذمے دارانہ کارکردگی کی بدولت جنوبی افریقا نے ویسٹ انڈیز کے خلاف تیسرے کرکٹ ٹیسٹ میں 54 رنز کی برتری حاصل کرلی ہے۔سینٹ کٹس میں جاری ٹیسٹ میچ کے دوسرے دن جنوبی افریقا نے اپنی پہلی اننگز دو وکٹ کے نقصان پر 46 رنز سے دوبارہ شروع کی۔ کپتان گریم اسمتھ نے ذمہ داری سے بیٹنگ کرتے ہوئے 70 رنز کی اننگز کھیلی۔ ان کے آؤٹ ہونے کے بعد جیک کیلس، اے بی ڈی ولیرز اور ایشویل پرنس نے بھی رنز کے انبار لگا دیے۔، کیلس 43 جبکہ ڈی ولیرز 73 رنز بناکر آؤٹ ہوئے۔ جب دوسرے دن کا کھیل ختم ہوا تو مہمان ٹیم کا اسکور 6 وکٹ کے نقصان پر 285 تھا، ایشویل پرنس 55 رنز پر ناقابل شکست تھے، سلیمان بین نے 4 کھلاڑیوں کو آؤٹ کیا۔ جنوبی افریقا کو پہلی اننگز میں 54 رنز کی برتری حاصل ہے۔