شاہ رخ خان کے دوست سلمان خان کے ساتھ

جنگ نیوز -
ممبئی…کہتے ہیں کہ سیاست میں کوئی کسی کا مستقل دوست یا دشمن نہیں ہوتا مگر بالی و وڈ میں بھی کچھ ایسا ہی معاملہ ہے جہاں کنگ خان کے دوست سلمان خان کی جانب دوستی کا ہاتھ بڑھارہے ہیں۔دلکش مسکراہٹ سے لوگوں کو اپنا گرویدہ بنانے والی اداکارہ کترینہ کیف کی سالگرہ پر دونوں خانز کے درمیان شروع ہونے والی جنگ میں سلمان خان کے دوست شاہ رخ خان کے ساتھ دکھائی دے رہے ہیں تو رتیش دیش مکھ جو شاہ رخ خان کے اچھے دوستوں میں شمار کیے جاتے ہیں کی جگہ کنگ خان نے اپنی فلم Ra. 1 میں ارجن رام پال کو کاسٹ کرلیا ہے جس کی وجہ سے وہ سلمان کے کیمپ منتقل ہوگئے ہیں۔ نکھل دیوویدی کو سلمان خان نے حال ہی میں گھڑی تحفہ دیا تھا اور وہ بھیصلو بھائی کی تعریف کرتے نہیں تھکتے۔ شاہ رخ خان کے ساتھ کو چھو ڑکر سلمان سے دوستی کی پینگیں بڑھانے والوں مشتاق شیخ، معروف ہدایت کارہ فرح خان، سنجے کپور، نکھل ایڈوانی اور چنکی پانڈے بھی شامل ہیں۔بظاہر تو اس جنگ میں سلمان خان کو فتح حاصل ہوگئی ہے ،لیکن کیا واقعی سلمان خان جیت گئے ہیں اس کا اندازہ تو آنے والے وقت میں ہی لگایا جاسکے گا۔