محمد یوسف کو قومی ٹیم میں دوبارہ لانے پر سنجیدگی سے غور

جنگ نیوز -
لندن . . . فارن ڈیسک . . . پاکستان کر کٹ ٹیم کے سابق کپتان محمد یوسف کو ٹیم میں دوبارہ لانے کے لیے سنجیدگی سے غور کیا جارہا ہے۔ یہ بات برطانوی اخبار’انڈیپنڈنٹ‘نے پاکستان کے اسسٹنٹ کوچ اعجاز احمد کے حوالے سے کہی۔ یوسف اور یونس خان جو ان دنوں سرے کاوٴنٹی کی طرف سے کھیل رہے ہیں ان پر گزشتہ برس آسٹریلیا کے دورے میں صفر تین سے شکست کے بعد پابندی عائد کردی گئی تھی۔حالیہ ٹیسٹ میں آسٹریلیا کے ہاتھوں شکست سے مطالبہ زور پکڑتا جارہاہے کہ ان دونوں میں سے کسی ایک کو ضرور ٹیم میں واپس لایا جائے۔ اعجاز کا کہنا ہے کہ یوسف آفریدی کی جگہ لے سکتا ہے لیکن مینجمنٹ نے ابھی فیصلہ نہیں کیا اور یہ آئندہ دو دنوں میں فیصلہ کر لیا جائے گا۔