انڈونیشیا:آتش فشاں پھٹنے کے بعد نقل مکانی کرنے والوں کی واپسی

جنگ نیوز -
جکارتا . . . انڈونیشیا میں آتش فشاں پھٹنے کے بعد نقل مکانی کرنے والے ہزاروں افراد اپنے گھروں کو واپس لوٹنا شروع ہو گئے ہیں ۔ انڈونیشیا کے جزیرے سماترا میں کچھ دن پہلے پھٹنے والے آتش فشاں کے دھوئیں اور راکھ کی وجہ سے متاثرہ علاقے میں رہنے والے ہزاروں افراد نقل مکانی کر نے پر مجبور ہو گئے تھے جبکہ پروازوں کی مد و رفت بھی متاثر ہو ئی تھی ۔ نقل مکانی کرنے والے 30 ہزار سے زائد افراد نے مختلف اسکول ، چرچ ، مساجد، اور کیمپس میں پناہ لی تھی ، اب یہ لوگ اپنے گھروں کو واپس لوٹ رہے ہیں۔