جنوبی میکسیکو میں شدید بارش اور سیلاب سے ہزاروں افراد متاثر

جنگ نیوز -
میسکیکو سٹی . . . جنوبی میکسیکو میں مسلسل بارش سے آنے والے سیلاب سے ہزاروں افراد متاثر ہوئے۔شدید بارشوں سے کئی شہروں میں پانی کی گہرائی دو میٹر سے زائد تھی۔مقامی افراد کے مطابق اس علاقے میں گزشتہ آٹھ روز سے مسلسل بارشوں کا سلسلہ جاری ہے۔تاہم ان حالات کے باوجود متاثرہ علاقوں کے رہائشیوں نے علاقہ چھوڑنے سے انکار کردیا ہے۔اور اپنے اپنے گھروں کی چھتوں پر بیٹھ گئے ہیں۔مقامی محکمہ موسمیات کے مطابق آنے والے دنوں میں مزید بارشیں ہونے کا امکان ہے۔