برطانیہ،دریا میں فٹ بال کھیلنے کا منفرد مقابلہ

جنگ نیوز -
لندن . . . سینٹرل مانیٹرنگ . . . فٹ بال اسٹیدیم ہو یا کھیل کے دیگر میدان ، فٹ بال کا میچ عام طور پر خشکی پر ہی ہوتاہے تاہم برطانیہ میں اس کھیل کو پانی کے اندر بھی کھیلا جاتا ہے۔ حال ہی میں برطانو ی کاوٴنٹی Gloucestershire کے ایک چھوٹے سے قصبے میں دریا میں کھیلے جانے والے فٹ بال میچ کا روایتی کھیل منعقد کیا گیاجس میں کھلاڑی پانی کے اندر فٹ بال کھیلتے ہوئے گول کرتے ہیں۔ پنڈلیوں تک گہرے پانی میں چھپاکے مارتے کھلاڑیوں کو فٹ بال کے عام اصولوں ہر ہی کاربند رہتے ہوئے مخالف ٹیم کو ہرانا ہوتا ہے۔ یہ دلچسپ مقابلے اس علاقے میں پچھلے 100 سالوں سے منعقد کئے جارہے ہیں جو اب باقاعدہ کھیل کی صورت اختیار کرگئے ہیں اور انہیں دیکھنے کے لئے 1000 سے زائد شائقین دریائے Windrush کے کنارے جمع ہوتے ہیں۔