الیکشن بھی ہونگے اور انقلاب بھی آئیگا ،منور حسن

آج نیوز - جماعت اسلامی کے امیر سید منور حسن نے کہاہے کہ الیکشن بھی ہونگے اور انقلاب بھی آئے گا ۔جی نائن مرکز اسلام آباد میں جماعت اسلامی کے زیر اہتمام جلسے سے خطاب کرتے ہوئے سید منور حسن نے کہا کہ نواز شریف کی حمایت سے آج زرداری مسند صدارت پر براجمان ہیں ۔ان کاکہنا تھا کہ عام انتخابات جزوی سہی تاہم تبدیلی ناگزیر ہے ۔امیر جماعت اسلامی نے کہا کہ انقلاب بھی آئے گا اور انتخاب بھی ہوگا ۔امیر جماعت اسلامی نے کہا کہ موجودہ حکمران عدالتوں کی کھلم کھلا خلاف ورزی کررہے ہیں بلکہ انہوں نے آئین و قانون کی دھجیاں اڑانے کے سوا کچھ نہیں کیا ۔منور حسن کا کہنا تھا کہ یوسف رضا گیلانی کی حکومت قوم کو میمو کے چکر میں الجھا کر سیاسی شہید بننا چاہتی ہے تاہم جماعت اسلامی اسے ایسا نہیں کرنے دیگی ۔انہوں نے کہا کہ آصف زرداری اور مہنگائی لازم ملزوم ہیں ۔موجودہ حکومت سے چھٹکارا حاصل کرنے کیلئے جلد تحریک شروع ہوجائیگی۔