ایم کیو ایم کے قائد الطاف حسین لندن میں علیل ہوگئے

اے آر وائی - متحدہ قومی موومنٹ کے ایک اعلامیہ کے مطابق متحدہ قومی موومنٹ کے قائد الطاف حسین گزشتہ ایک ہفتہ سے لندن کے ایک اسپتال میں زیرعلاج ہیں۔ ایک ہفتہ قبل ان کی طبیعت خراب ہو گئی تھی جس پر انہیں لندن کے ایک مقامی اسپتال لیجایا گیا تھا جہاں ماہرڈاکٹرزان کاعلاج کررہے ہیں تاہم اب وہ اللہ کے فضل وکرم اورمائوں، بہنوں، بزرگوں، بچوں، کارکنوں اور عوام کی دعاوں کی بدولت تیزی سے روبہ صحت ہیں ۔



رابطہ کمیٹی نے تحریک کے تمام کارکنان ،مائوں، بہنوں، بزرگوں، بچوں اورتمام عوام سے اپیل کی ہے کہ وہ قائد تحریک الطاف حسین کی مکمل صحتیابی اوردرازی عمر کیلئے دعا کریں اپنی صفوں میں اتحاد برقراررکھیں اور کسی قسم کی افواہوں پر کان نہ دھریں۔



رابطہ کمیٹی نے قائد تحریک الطاف حسین کی خیریت دریافت کرنے ان کیلئے نیک جذبات کا اظہارکرنے اورگلدستے بھیجنے پر صدرمملکت آصف علی زرداری، وفاقی وزیر داخلہ رحمن ملک اوردیگر اہم شخصیات کا دلی شکریہ ادا کیا۔