پاکستان میںشدید زلزلہ، جاںبحق افراد کی تعداد69ہو ئی

جیو نیوز - کراچی......اسلام آباد ،گلگت بلتستان،فاٹا اور چاروں صوبوںمیںآنے والے 8اعشاریہ ایک شدت کے زلزلے میں جاںبحق افراد کی تعداد69ہو گئی ہے جبکہ سیکڑوں افرادزخمی ہیں ،اسپتالوں میں ایمرجنسی نفاذ بھی کردیا گیا ہے۔

جوں جوں اطلاعات مل رہی ہیں ہلاکتوں کے تعداد میں اضافہ ہو تا جا رہا ہے،پاکستان میں اکتوبر کے مہینے میں شدید نوعیت کا دوسرا زلزلہ ہے۔8اکتوبر 2005 کے بعد 26 اکتوبر 2015 کو دس سال بعد ملک ایک بار پھر لرزاٹھا۔

زلزلہ پیما مرکز کے مطابق اسلام آباد ،لاہورسمیت پنجاب اور خیبر پختونخوا کے کئی شہروں میں زلزلہ 2 بج کر 9 منٹ پر آیا، جس کا مرکز ہندوکش تھا۔زلزلے کی شدت 8اعشاریہ 1 ریکارڈ کی گئی، جبکہ امریکی زلزلہ پیما مرکز کے مطابق زلزلے کی شدت 7اعشاریہ 5ریکارڈ کی گئی۔

محکمہ موسمیات کے مطابق زلزلے کا مرکز ہندوکش ریجن میں 193کلومیٹر گہرائی میں تھا ۔سوات میںزلزلے سے مزید 1شخص جاں بحق ہوگیا جس کے بعد سوات میں تعداد9 ہوگئی جبکہ شانگلہ میں مزید 3افرادجاں بحق ہو ئے اور وہاں جاں بحق افراد کی تعداد8 ہوگئی ہے۔دیگر علاقوں سے ملنے معلومات کے مطابق جاںبحق افراد کی تعدادچارسد4،صوابی میں2،مردان میںایک بچی،باجوڑ ایجنسی میں7،چترال میں2،مالاکنڈ ایجنسی میں3،دیامرمیں دو بچے،اپر دیر6 ،لوئردیر میں تین بچے ،چکوال میں 8 سالہ طالب علم سمیت 69افراد جاں بحق ہوچکے ہیں۔

پہاڑہ علاقوں میں زلزلے کے بعد پہاڑوں پر لینڈ سلائیڈنگ بھی ہو ئی۔گلگت میںعطاآبادوگردونواح میں زلزلے کے باعث بڑے پہاڑی پتھر سڑکوں پرآگئے۔ہنزہ اورنواحی علاقوں کی رابطہ سڑکیں بھی اس صورت حال کے بعد بند ہو گئی ہیں ۔

زلزلے کے جھٹکےبھارتی پنجاب ، دلی ، ہریانہ اورمقبوضہ کشمیر اور افغانستان کے مختلف علاقوں میں بھی زلزلے کے جھٹکے محسوس کئے گئے۔