کراچی:لائنز ایریا میں شہریوں نے ڈکیتی کی کوشش ناکام بنادی

جیو نیوز - کراچی......کراچی کے علاقے لائنز ایریا میں ڈکیتی کی کوشش کے دوران پکڑے جانے کے خوف سے ڈاکووں نے فائرنگ کردی جس سے تین افراد زخمی ہوگئے۔

پولیس حکام کے مطابق موٹرسائیکل سوار ڈاکو سگریٹ کے سیلز مین کے تعاقب میں ڈکیتی کی نیت سے لائنز ایریا کی تنگ گلیوں کی میں گھسے تو شہریوں نےسیلز مین کے شور پر انھیں پکڑنے کی کوشش کی۔

اس دوران ڈاکو بوکھلا گئے اور اندھا دھند فائرنگ کردی جس کی زد میں آکر تین شہری زخمی ہوگئے جبکہ فائرنگ کے بعد ڈاکو فرار ہونے میں کامیاب ہوگئے ۔ حکام کے مطابق شہریوں کی مدد سے ڈاکووں کے خاکے بنانے کی کوششیں کی جارہی ہیں۔