کراچی :سی ٹی ڈی کی کارروائی، تین مبینہ ٹارگٹ کلرز گرفتار

جیو نیوز - کراچی......کراچی کے علاقے سعود آبادمیں انسداد دہشت گردی ڈپارٹمنٹ نے کارروائی کرتے ہوئے 12مئی کے فائرنگ کے واقعے میں ملوث ملزم سمیت سیاسی جماعت سے تعلق رکھنے والے تین ٹارگٹ کلرز کو گرفتار کرلیا۔

ایس ایس پی سی ٹی ڈی جنید شیخ نے پریس کانفرنس کرتے ہوئے کہا کہ گرفتار ٹارگٹ کلرز کا تعلق مذہبی اور سیاسی جماعت سے ہے۔ ان کا کہنا تھا کہ گرفتار ٹارگٹ کلر محمد شاہد سات افراد کے قتل میں ملوث ہے، ملزم نے 12 مئی کو بلوچ کالونی پل کے نیچے ساتھیوں کے ساتھ مل کر فائرنگ بھی کی۔ گرفتار ٹارگٹ کلر شاہ جلال اور محمد شاکر کا تعلق مذہبی جماعت سے ہے۔

ان کا کہنا تھاکہ دونوں ملزمان نے 9 افراد کی ٹارگٹ کلنگ کا اعتراف کیا ہے۔ ایس ایس پی جنید شیخ کے مطابق گرفتار ملزمان ہر سال 35 ہزار روپے بھتہ جمع کرکے پارٹی کو بھجواتے تھے۔ ملزمان کے قبضے سے اسلحہ بھی برآمد کیا گیا ہے۔