جماعت اسلامی اور پی ٹی آئی کے بلدیاتی امیدوار مزار قائد پر

جیو نیوز - کراچی...... کراچی میں جماعت اسلامی اور تحریک انصاف کے مشترکہ بلدیاتی امیدواروں نے مزار قائد کے سائے تلے امن وترقی ، پیار ومحبت اور ایمانداری سے شہرکراچی کی تعمیر نو کا حلف اٹھایا۔

امیدواروں سے حلف کراچی کی ایک بیٹی نے لیا ۔تقریب حلف برداری میںکراچی شہرکی مائوں کی نمائندگی کرتے ہوئے ایک ماں نے بھی امیدواروں سے عہد لیا۔

امیرجماعت کراچی نعیم الرحمان نے کہا کہ عوام کی خواہش پر تحریک انصاف اور جماعت اسلامی نے بلدیاتی انتخابات کیلئے اتحاد کیا ہے ، کراچی امن وترقی کی راہ پر چل پڑا تو پاکستان کو آگے بڑھنے سے کوئی نہیں روک سکے گا۔

تحریک انصاف کراچی کے صدر علی زیدی نے امیدواروں کو ہدایت کی کہ وہ محنت اور ایمانداری کو اپنا شعار بنائیں۔ اس موقع پرامن کی علامت کے طور پر سفید غبارے اور کبوتر فضاء میں چھوڑے گئےجبکہ تقریب کا اختتام قومی ترانے پر ہوا ۔