مصطفیٰ کمال آج اپنی پارٹی کے نام کا اعلان کریں گے

جیو نیوز - کراچی ........مصطفیٰ کمال آج اپنی پارٹی کے نام کا اعلان کریں گے،پارٹی اور جھنڈے کیلئے الیکشن کمیشن کو درخواست بھی دی جائے گی ، جلسے کی تاریخ کا اعلان بھی جلد کیا جائے گا،اس ہفتے حیدر آباد کا دورہ کریں گے۔

سابق سٹی ناظم کراچی مصطفیٰ کمال آج اپنی پارٹی کے نام کا اعلان کرنے والے ہیں ۔ ان کا کہنا ہے کہ اپنے اپنے مسالک اور پارٹی میں رہیں لیکن مخالفین کو دشمن نہ بنائیں ، دوسروں کی عزت کی بات کرکے وہ ابتدا کر رہے ہیں۔

انہوں نے کہا کہ پارٹی اور جھنڈے کے لئے الیکشن کمیشن کوخواست دی جائے گی،جلسے کی تاریخ کا بھی جلد اعلان کیا جائے گا ، ابھی کسی کو جلسے میں شرکت کی دعوت نہیں دی ، رضا کاروں سے ہی جلسہ گاہ بھر جائے گی ۔

مصطفیٰ کمال کا کہنا تھا کہ فوری شہرت کے لیے ہر کسی کو آفس کھولنے کا نہیں کہا ، صورت حال دیکھ کر باقاعدہ آفس کھولیں گے ۔ان کا کہنا تھا کہ وہ اس ہفتے حیدر آباد کا دورہ کریں گے۔