سب کچھ خاک ہوا ہے

سب کچھ خاک ہوا ہے

سب کچھ خاک ہوا ہے لیکن چہرہ کیا نورانی ہے
پتھر نیچے بیٹھ گیا ہے ، اوپر پانی بہتا ہے

بچپن سے میری عادت ہے ، پھول چھپا کر رکھتا ہوں
ہاتھوں پے جلتا سورج ہے ، دل میں رات کی رانی ہے

دفن ہووے راتوں کے قصے اک چھت کی خاموشی ہے
سناٹوں کی چادر اوڑھے یہ دیوار پرانی ہے

اُس کو پا کر اترائو گی ، کھو کر جان گنوا دو گی
بادل کا سایہ ہے دنیا ہر شے آنی جانی ہے

دل اپنا ایک چاند نگر ہے ، اچھی صورت والوں کا
شہر میں آ کر شاید ہم کو یہ جاگیر گنوانی ہے

تیرے بدن پر میں پھولوں سے اس لمحے کا نام لکھوں
جس لمحے کا میں افسانہ تو بھی اک کہانی ہے