کچن
خوشبودار چاول
چاولوں کو ابالتے وقت اس میں ایک چمچ لیموں کا رس ڈالنے سے ان کی رنگت صاف اور چاول خوشبودار ہو جاتے ہیں۔
بلینڈر سے لہسن پیاز کی بو
بلینڈر سے لہسن اور پیاز کی بدبو ختم کرنے کے لیے پانی اور ایک کھانے کا چمچ سرکہ ڈال کر دو منٹ کے لیے بلینڈر چلائیں پھر پانی پھینک کر دھولیں، بدبو ختم ہو جائے گی۔
سالن میں مرچیں
سالن میں مرچیں زیادہ ہو جائیں تو دو عدد لیموں کا رس ڈال دیں مرچیں کافی حد تک کم ہو جائیں گی۔
آلو اور انڈے ابالنے کے لیے
آلو یا انڈے ابالنے کی لیے المونیم کے بجائے اسٹیل کے برتن استعمال کریں۔ المونیم کے برتن انڈے اور آلو ابالنے سے کالے پڑ جاتے ہیں۔
دہی بڑے
دہی بڑوں کو نرم بنانے کے لیے پسی ہوئی دال میں دو چائے کے چمچ دہی ڈال دیں مزیدار اور نرم نرم دی بڑے تیار ہونگے۔
مسور کی دال
مسور کی دال پکاتے وقت اگر آخری چند منٹ پہلے اس میں تھوڑا سا دودھ ڈال دیا جائے تو اس کے مضر اثرات ختم ہو جاتے ہیں۔
سلاد کی حفاظت
سلاد کو پھپھوندی سے بچانے کے لیے اسے کاغذ کی تھیلیوں میں رکھیں پلاسٹک کی تھیلیوں میں رکھنے سے اسے پھپھوندی لگ جاتی ہے۔
کھانے کے خوشبو
کھانا پکانے کے دوران اگر ایک موم بتی جلا کر چولہے کے قریب رکھ دی جائے تو کھانے کی خوشبو کچن تک محدود رہے گی۔
دودھ جل جائے
دودھ جل جائے تو اُس کی بدبو کو مکمل طور پر ختم نہیں کیا جا سکتا، البتہ ایک کلو دودھ میں ایک چمچ کارن فلور ملانے سے دودھ میں جلنے کی بدبو کسی حد تک کم ہو جاتی ہے۔
خستہ پکوڑے
بیسن میں دو کھانے کے چمچ چاول کا آٹا ملا دیں پکوڑے خستہ اور لذیذ بنیں گے۔
سماجی رابطہ