مشرقی یورپ اور جاپان میں شدید برفباری، درجنوں ہلاک

اے آر وائی - مشرقی یورپ اور جاپان میں شدید برفباری نے تباہی مچادی ہے جس کے نتیجے میں درجنوں افراد ہلاک ہوگئے ہیں۔ جرمنی، یوکرین اور سربیا سمیت مشرقی یورپ کے ملکوں میں شدید برفباری اور سردی کے باعث ہلاکتوں میں مسلسل اضافہ ہورہا ہے۔



خطے کے ملکوں میں معمولات زندگی شدید متاثر ہیں۔ سڑکیں برف سے ڈھک گئی ہیں جبکہ پروازوں اور ٹرینوں کی آمدورفت بھی متاثر ہوئی ہے۔ کئی علاقوں میں لوگ پھنسے ہوئے ہیں جنہیں نکالنے کیلئے ہیلی کاپٹر سروس استعمال کی جارہی ہے۔