MQM say baat cheet jari hai, jald mana lein gay, wazeer e aala Sindh

جنگ نیوز -

Qaim maqam governor Sindh Nisar Khorho ka kehna hai k governor Sindh mustafi hon ya nahi woh qaim maqam governor hain, doosri janib wazeer e aala Sindh ka kehna hai k MQM kay isteefay abhi taq Manzoor nahi kiye gaye hain aur in say baat cheet jari hai. wazeer e aala house Karachi mein sobai khudmukhtaari say mutaliq taqreeb mein dawat kay bawajood Muttahida Quami Movement (MQM) kay arakeen assembly ne shirkat nahi ki. taqreeb kay shurka ki baat cheet ka mehwar Sindh ki dou bari ittihadi jamaaton ka mustaqbil ka mumkina Laiha amal tha, is mauqa par media say guftagu kartay huay Wazeer e Aala Sindh Sayyad Qaim Ali Shah ne bataya k MQM kay saath teen saal achay guzaray hain, in ki narazgi door karein gay. qaim maqam governor sindh Nisar Khorho ne bhi bachay kuchay ibham ko yeh keh kar door kar diya k astafa Manzoor karnay ka koi time frame nahi hota, aaeni tour par qaim maqam governor sindh kay faraiz anjaam day raha hon. taqreeb kay shurka kay mutabiq peoples party ne ruthi hui ittihadi jamaat Muttahida Quami Movement (MQM) ko dobarah sarkari benchon par wapas lanay kaazm zahir karkay chand dinon say munjamad siyasi taluqaat ko hararat di hai.