Rawalpindi rimz ne super at T20 tournament jeet liya

جنگ نیوز -

Super at T20 cup ka title Rawalpindi rimz ne jeet liya, final mein Karachi dolphins ko intehai dilchasp muqablay kay baad super over mein shikast hui. Faisal abad mein khailay janay walay is final ka aaghaz barish kay sabab pachees minute ki takheer say howa jis mein giili wicket kay sabab toss jeetnay kay baad Rawalpindi rimz ne Karachi dolphins ko pehlay batting ki dawat di, Karachi dolphins ki pehli wicket 24 kay score par Shah Zaib husn ki soorat mein giri jo barah runs bananay kay baad bar waqat wicket par nah pohanche kay jurm mein run out huay, aas kay baad Asad shafeeq aur Rameez Raja junior ne khail ka control sambhal liya, in dono ne pichaly match ki tarah is final mein bhi umdah batting ki aur 66 runs ki partnership qaim kar dali, Asad shafeeq 36 runs banakar pavellion laute, teesri wicket par Rameez Raja junior ne Khalid lateef kay saath mil kar aik aur kaar amad shiraakat qaim ki jis mein 70 runs banay, Rameez Raja ne jarehana andaaz mein paanch chakkon aur chaar chowkun ki madad say 64 runs banaye, Khalid lateef 36 runs kay saath na qabil shikast rahay, Karachi dolphins ki team ne muqarara 20 overs mein paanch wicket par 164 runs score kiye, Rawalpindi rimz kay Raza husn ne 24 runs kay ewaz teen wickten haasil kee, hadaf kay taaqub mein Rawalpindi rimz ka aaghaz achha nah tha, is ki do wickten sirf gayarah runs kay score par gir gayeen theen, teesri wicket par owais zia aur Umar ameen ne 45 runs banakar ining ko sanbhala diya, owais 43 runs bananay kay baad dressing room gaye, Umar ameen aik and say datay rahay, aan ka saath adnan mufti ne 31 aur Hamad Azam ne 23 runs banakar diya, aakhri gaind par Rawalpindi ko match jeetnay kay liye aik run darkaar tha lekin Raza husn stumped out hogaye, Rawalpindi ka score bhi muqarara 20 overs mein 164 runs raha, match ko faisla kin bananay kay liye super overs ka sahara liya gaya jis mein pehlay batting kartay huay Rawalpindi rimz ne 16 runs banaye, jawaab mein Karachi ki team is hadaf taq nahi pahonch saki aur yun aik sansani khaiz muqablay kay baad Rawalpindi rimz ki team champion ban gayi.