ڈی جی ایف آئی اے کو ہتھکڑیاں لگا کر عدالت میں پیش کیا جائے،چیف جسٹس

جنگ نیوز -


اسلام آباد…سپریم کورٹ میں این آئی سی ایل کیس کی سماعت کے دوران چیف جسٹس نے ریمارکس دیئے ہیں کہ ڈی جی ایف آئی اے کو معطل کر کے گرفتار کیا جائے۔ سماعت کے دوران جب سیکریٹری اسٹیبلشمنٹ عدالت میں پیش ہوئے تو رجسٹرار نے ڈی جی ایف آئی اے کی طلبی سے متعلق رپورٹ عدالت میں پیش کر دی۔ رپورٹ کے مطابق پہلے بتایا گیا کہ ڈی جی ایف آئی اے عدالت آرہے ہیں بعد میں پتا چلا کہ وہ کراچی چلے گئے، انہیں صبح سے فون کال کی گئیں۔ چیف جسٹس افتخار محمد چوہدری نے ریمارکس میں سیکریٹری اسٹیبلشمنٹ سے کہا کہ ڈی جی ایف آئی اے کو معطل کر کے ہتھکڑیاں لگا کر عدالت میں پیش کیا جائے۔