پاکستان کا قومی مشروب گنے کا رس ہے؟امریکی اخبار

جنگ نیوز -


کراچی…رفیق مانگٹ…پاکستان کا قومی مشروب گنے کا رس ہے، چین اور برطانیہ کا قومی مشروب چائے جب کہ اسکاٹ لینڈ کا قومی مشروب وسکی ہے بھارت کا قومی مشروب چائے ہونا چاہیے۔مریکی اخبار’وال اسٹریٹ جرنل‘ کے مطابق بھارت کا قومی جانور مور ، قومی پھول کنول(لوٹس) اور قومی درخت برگد ہے۔ جب کہ بھارت کا کوئی قومی مشروب نہیں ہے ،ایسے میں ایک قومی مشروبات کی بھی ضرورت ہے؟ شمال مشرقی ٹی ایسوسی ایشن کے سربراہ بدیانندا کا کہنا ہے کہ چائے کو بھارت کا قومی مشروب ہونا چاہیے۔آسام چائے کی پیدا وار کے حوالے سے مشہور ہے، انہوں نے آسام کی حکومت پر زور دیا کہ وہ چائے کو سرکاری طور پر ریاستی مشروب کا درجہ دے اور آسام کی حکومت مرکزی حکومت سے چائے کو قومی مشروب کا درجہ دلانے کی درخواست کرے۔انہوں نے اپنی24صفحات پر مشتمل تقریر میں نے دوسری قوموں کی طرف اشارہ کرتے ہوئے کہا کہ چائے چین اور برطانیہ کا قومی مشروب ہے،پاکستان کا قومی مشروب گنے کا رس ہے جب کہ اسکاٹ لینڈ کا قومی مشروب وسکی ہے۔تاہم امریکی اخبار نے پاکستان کی قومی ایام کی فہرست کے حوالے سے کہا کہ پاکستان کی سرکاری فہرست پر کہیں بھی گنے کا رس کے قومی مشروب ہونے کا ذکر نہیں ملتا۔