متاثرہ علاقوں میں 85 ہزار 404 افراد ملیریا کا شکار ہیں،این ڈی ایم اے

جنگ نیوز -


اسلام آباد ... نیشنل ڈیزاسٹر مینجمنٹ اتھارٹی نے کہا ہے کہ سندھ کے سیلاب سے متاثرہ علاقوں میں 85 ہزار 404 افراد ملیریا کا شکار ہیں جن میں سے 1660 افراد کی حالت تشویش ناک ہے۔ ترجمان این ڈی ایم اے ارشاد بھٹی کے مطابق سندھ کے سیلاب زدہ علاقوں میں 71 ہزار 857 افراد سانس کی بیماری اور 35 ہزار 300 افراد ڈائریا کا شکار ہیں۔ انہوں نے بتایا کہ 59 ہزار 763 افراد کو جلد کی بیماری لاحق ہے جبکہ 16 ہزار 509 افراد آنکھوں کے امراض میں مبتلا ہیں۔ترجمان این ڈی ایم اے کا کہنا ہے کہ 520 افراد سانپ کے کاٹنے کے بعد زیر علاج ہیں اور گزشتہ روز مختلف بیماریوں سے 54 افراد جاں بحق ہوئے۔این ڈی ایم اے نے سیلاب سے بیمار ہونے والے افراد کے علاج کے لئے مقامی اور غیر ملکی تنظیموں سے مدد کی اپیل کی ہے۔