صومالی قزاقوں نے ایک اور بحری جہاز اغوا کرلیا، 7پاکستان یرغمال

جنگ نیوز -


کراچی…صومالی قذاقوں کی جانب سے بحری جہازایم وی البیڈوکواغواء کرنے کاانکشاف ہوا،قذاقوں نے7پاکستانیوں سمیت23افرادکو یرغمال بنالیا ہے جہاز پر چیف آفیسر مجتبیٰ بھی شامل ہیں، قزاقوں نے یرغمالیوں کی رہائی کیلئے 80لاکھ ڈالر کا مطالبہ کیا ہے۔صومالی بحری قذاقوں کے ہاتھوں یرغمال بننے والے چیف آفیسر مجتبیٰ کی بیٹی حرانے پوری قوم سے اپیل کی ہے کہ جس طرح لیلی کے پاپا کو بحری قذاقوں سے رہائی دلوائی گئی اسی طرح اس کے پاپا کو بھی رہا کروا کے پاکستان لایا جائے۔ مانسہرہ سے کراچی آنے والے چیف آفیسرمجتبیٰ کے اہل خانہ اور ان کی بچیوں کا کہنا ہے کہ ان کے پاپا کی رہائی کے لئے ہر سطح پہ کوششیں کی جائیں اور ایم وی البیڈو کی رہائی کیلئے بھی اسی طرح جدوجہد کی جائے جس طرح ایم وی سوئیز کے لئے کی گئی تھی۔ چیف آفیسر مجتبیٰ کی اہلیہ کا کہنا ہے کہ اس کے سات ماہ سے بیٹے کی پیدائش کی اطلاع بھی مجتبیٰ کو نہیں مل سکی ہے چیف آفیسر مجتبیٰ کی بچیوں کا کہنا ہے کہ ان کے پاپاانہیں بہت یاد آتے ہیں اور وہ جلد سے جلد اپنے پاپا کو دیکھنا چاہتی ہیں۔