یورپی ممالک میں پیپلز پارٹی کے کارکنوں کو کوائف جمع کرانے کی ہدایت

جنگ نیوز -
پیرس…رضا چوہدری/نمائندہ جنگ… پاکستان پیپلزپارٹی کی اورسیز ڈیسک انچارج محترمہ فوزیہ حبیب نے پارٹی کے شریک چیئرمین آصف علی زرداری کی ہدایت پر یورپی ممالک سے پارٹی عہدیداروں اور کارکنوں کے کوائف اکھٹے کرنے کی ذمے داری سید زاہد عباس شاہ آف جرمنی کو سونپی ہے۔ سید زاہد عباس شاہ نے پارٹی عہدیداروں اور کارکنوں سے درخواست کی ہے کہ جلد از جلد رابطہ کرکے اپنے کوائف بھجوا دیں۔ادھر پارٹی کے اعلی سطحی ذرائع نے اس بات کی وضاحت کی ہے کہ یورپی ممالک میں نئی تنظیم سازی کیلئے کوئی کمیٹی تشکیل نہیں دی گئی ہے اور اس سلسلے میں کوئی احکامات جاری نہیں کیے گئے۔