MQM ki parliment mein bhi opposition nashiston ke liye darkhwasten

آج نیوز -

Muttahida Qaumi Movement ne Sindh assembly kay baad qaumi assembly aur senate mein bhi opposition nashiston ke liye darkhwasten jama kara deen. Haider abbas Rizvi kehtay hain ke MQM kay isifon ko mazaq samjhna afsoosnaak hai. hizab e ikhtilaaf ki tamam jamaaton kay saath mil kar kaam karein gay. qaumi assembly mein MQM kay deputy parlimani leader Haider abbas Rizvi ne wafad kay hamrah assembly secreteriat jabkay tahir Aleem Mushehdi ne senate secreteriat mein alag alag darkhwasten jama karayen, darkhwaston mein kaha gaya hai ke MQM hukoomat say alag ho chuki hai lehaza mutahidda kay arakeen ko parliment mein opposition benches par nashistain allot ki jayen. Haider abbas Rizvi ka kehna tha ke hukoomat ka saath kar ghalti ki, alehadgi ka faisla hatmi hai. yeh baat afsoosnaak hai ke MQM kay isifon ko mazaq samjha gaya. in ka kehna tha ke senate mein opposition leader ki himayat kay muamlay par faisla Altaf Hussain karein gay. London mein saddar Zardari aur Altaf Hussain ki mulaqaat ka imkaan nahi, Ishrat al ibad kay khilaaf ab koi muqadma nahi, in ka astafa ewaan saddar ko bheja ja chuka hai, Haider abbas Rizvi ne kaha ke MQM friendly opposition ho gi nah he mojooda jamhoori nizaam ko ghair mustahkam karnay ka hissa banin gay.