کرا چی: بارش ہوتے ہی شہر کا بڑا حصہ تاریکی میں ڈوب گیا

آج نیوز - شہرقائد میں خدا خدا کرکے بارش برسی لیکن ابھی چند بوندیں ہی پڑیں تھیں کہ شہر کے بڑا حصہ تاریکی میں ڈوب گیا۔ کے ای ایس سی کا کہنا ہے کہ بارش شروع ہوتے ہی شہر کے بیشتر علاقوں میں فیڈرز ٹرپ کرگئے جو صبح تک مکمل طور پر بحال نہیں کیے جاسکے۔ کے ای ایس سی انتظامیہ کے مطابق گزشتہ شب بارش سے تقریباً پانچ سو فیڈرز ٹرپ ہوئے، جسے بحال کرنے کا کام جاری ہے۔ بارش کے باعث شہر کے بیش تر حصوں میں شہریوں نے سحری اور نماز فجر اندھیرے میں ادا کی اور گزشتہ شب کا طویل حصہ آدھے سے زیادہ شہر اندھیرے میں ڈوبا رہا۔ متاثرہ علاقوں میں لانڈھی، قائدآباد، ملیر، ایئرپورٹ، گلشن اقبال ، گلستان جوہر، گلشن اقبال، فیڈرل بی ایریا اور نارتھ ناظم آباد کے مختلف علاقے گارڈن، صدر، محمودآباد، کلفٹن، ڈیفنس، بلدیہ اور اورنگی ٹاؤن شامل ہیں۔