کرکٹر شعیب ملک کوکلیئر کرنے کافیصلہ

آج نیوز - پاکستان کرکٹ بورڈ کی انٹیگریٹی کمیٹی کا اجلاس کل دوبارہ طلب کر لیا گیا، سابق کپتان شعیب ملک کو کلیئرنس ملنے کے بعد زمبابوے کے خلاف قومی ٹیم میں شامل کئے جانے کا امکان ہے۔شعیب ملک اور دانیش کینریا نے گزشتہ سوموار کو انٹیگریٹی کمیٹی کے روبرو پیش ہو کر اپنا اپنا موٴقف پیش کیا تھا، جس کے بعد دونوں کھلاڑیوں کے خلاف فیصلہ محفوظ کر لیا گیا تھا۔ پی سی بی نے چھ رکنی انٹیگریٹی کمیٹی کا اجلاس جمعہ کو دوبارہ طلب کیا ہے، جس میں شعیب ملک کے کیس پر دوبارہ غور کیا جائے گا۔ ذرائع کے مطابق کمیٹی شعیب ملک کے اثاثوں کے بارے میں مطمئن ہو گئی ہے اور کمیٹی اپنے فیصلے میں انہیں کلیئر کر دے گی کیونکہ ان پر اسپاٹ اور میچ فکسنگ سمیت کوئی الزام نہیں ہے۔ پی سی بی کی جانب سے کلیئرنس ملنے کے اشاروں کے بعد سلیکٹرز نے بھی دورہ زمبابوے کے لئے ان کی ٹیم میں شمولیت پر مشاورت شروع کر دی ہے۔ذرائع کے مطابق شعیب ملک کو ٹی ٹوئنٹی اور ون ڈے کے لئے ٹیم میں شامل کیاجا سکتا ہے۔