آئندہ ہفتے کیسز کی سماعت کیلئے مجموعی طور پر 5 بنچ تشکیل

آج نیوز - سپریم کورٹ میں آئندہ ہفتے این آر او عملدرآمد کیس اور توہین عدالت قانون کے خلاف آئینی درخواستوں سمیت اہم مقدمات کی سماعت ہوگی، دو لارجر بنچز سمیت مجموعی طور پر پانچ بنچ تشکیل دے دیئے گئے۔ سپریم کورٹ سے جاری کاز لسٹ کے مطابق معمول کے مقدمات کی سماعت کیلئے تین بنچ تشکیل دیئے گئے ہیں، این آر او عملدرآمد کیس اور توہین عدالت کے نئے قانون کے خلاف درخواستوں کی سماعت کیلئے دو الگ الگ پانچ رکنی لارجر بنچ بنائے گئے ہیں۔ چیف جسٹس افتخار محمد چوہدری کی سربراہی میں سپریم کورٹ کا پانچ رکنی بنچ کل توہین عدالت کے خلاف درخواستوں کی سماعت کرے گا۔ توہین عدالت کے نئے قانون کے خلاف اٹھارہ مختلف آئینی درخواستیں دائر کی گئی ہیں، کل ہی ارکان پارلیمنٹ کی مبینہ دہری شہریت اور خانیوال میں خاتون مریم کو اینٹیں مار کر ہلاک کرنے کے خلاف مقدمے کی سماعت بھی ہوگی۔ چیف جسٹس کی سربراہی میں سپریم کورٹ کا تین رکنی بنچ دونوں مقدمات کی سماعت کر ے گا۔ یہی بنچ منگل کو بلوچستان امن و امان کیس کی سماعت کرے گا،جبکہ جسٹس آصف سعید کھوسہ کی سربراہی میں ایک اور پانچ رکنی لارجر بنچ بدھ کو این آر او عملدرآمد کیس کی سماعت کرے گا۔ اس کیس میں عدالت نے وزیر اعظم راجہ پرویز اشرف سے سوئس حکام کو خط لکھنے سے متعلق جواب طلب کر رکھا ہے۔

اس زمرہ سے آگے اور پہلے

اس سے آگے	اس سے پہلے
سری لنکا کیخلاف سلو اوورریٹ پر بھارتی ٹیم پر جرمانہ عائد	ماسکو میں پھنسے پاکستانیوں کی وطن واپسی کیلئے بورڈنگ پاس جاری

اسی زمرہ سے

- ماسکو میں پھنسے پاکستانیوں کی وطن واپسی کیلئے بورڈنگ پاس جاری

- ماسکوایئرپورٹ پر100 سے زائد پاکستانی گھنٹوں کمرے میں محصور

- اسلام آباد: گولڑہ میں فائرنگ سے 4 افراد جاں بحق

- بلوچستان سے بھارتی خفیہ ایجنسی "را" کا افسر پکڑا گیا

- دورہ امریکا میں ہوئے معاہدوں سے روابط مضبوط ہوئے، وزیراعظم

مقبول ترین

1 - ایشوریا رائے بد ترین اداکارہ قراردے دی گئیں

2 - لیموں کا رس صحت بخش ہی نہیں بلکہ طبی فوائد کا حامل بھی ہے،ماہرین

3 - سانحہ سیالکوٹ:سات ملزمان کو سزائے موت سنا دی گئی

4 - کبوتر انسانی صحت کے لیے نقصان دہ بیکٹریا پھیلاتے ہیں،جدید تحقیق

5 - گرمیوں میں آموں کا لطف اُٹھائیے اور صحت مند رہیے، ماہرین طب