نواز شریف نے دروازے بند کرنے کی غلطی کی، پرویزالہی

اے آر وائی - سینئر وفاقی وزیر چودھری پرویز الٰہی نے کہا ہے کہ نواز شریف آج اسمبلیوں سے استعفیٰ دیں پھر دیکھیں ان کی جماعت کے کتنے ٹکڑے ہوتے ہیں۔



اسٹیٹ گیسٹ ہاؤس میں اجلاس سے خطاب کرتے ہوئے انہوں نے دعوی کیا کہ نواز شریف اپوزیشن میں رہ کر فیصلہ کرنے کی صلاحیت سے عاری ہیں کیونکہ ن لیگ اقتدار کی عادی ہے۔ انہوں نے کہا کہ سیاست میں کبھی دروازے بند نہیں کیے جاتے جو اپنے دروازے بند کرتے ہیں وہ نواز شریف کی طرح اکیلے رہ جاتے ہیں۔