گھنگھور گھٹائیں آتی ہیں جب

گھنگھور گھٹائیں آتی ہیں جب
ندیاں جھومتی گاتی ہیں جب
لہریں شور مچاتی ہیں جب
آپ بہت یاد آتے ہیں


بادل برس کر جاتے ہیں
قطرے موتی بن جاتے ہیں
کرنیں رنگ بکھیرتی ہیں جب
آپ بہت یاد آتے ہیں


دو دیوانے جب ملتے ہیں
پھول محبت کے کھلتے ہیں
دیوارے بھی گاتی ہیں جب
آپ بہت یاد آتے ہیں



چاند تمہاری یادیں لے کر
کرنوں کی برساتیں لے کر
چاندنی راتیں آتی ہیں جب
آپ بہت یاد آتے ہیں