سنا ہے زندگی ویرانیوں نے لوٹ لی ملکر

تیری محفل سے اُٹھ کر عشق کے ماروں پہ کیا گزری
مخالف اک جہاں تھا جانے بیچاروں پہ کیا گزری

سحر کو رخصت بیمار فرقت دیکھنے والو
کسی نے یہ بھی دیکھا رات بھر تاروں پہ کیا گزری

سنا ہے زندگی ویرانیوں نے لوٹ لی ملکر
نا جانے زندگی کے ناز برداروں پہ کیا گزری

ہنسی آئی تو ہے بے کیف سی لیکن خدا جانے
مجھے مسرور پاکر میرے غمخواروں پہ کیا گزری

اسیر غم تو جان دے کر رہائی پا گیا لیکن
کسی کو کیا خبر زندان کی دیواروں پہ کیا گزری . . . . !